صدارتی انتخابات میں ٹرمپ کوہرا دیتا: اوباما

امریکہ کے صدر براک اوباما نے کہا کہ صدارتی انتخابات میں اگر وہ ملک کے نو منتخب صدر ڈونالڈ ٹرمپ کے خلاف الیکشن لڑتے تو ان کو شکست دے دیتے۔ کل نشر ہوئے ایک انٹرویو میں مسٹر اوباما نے کہا کہ اگر انہیں تیسری بار صدارتی انتخابات لڑنے کا موقع ملتا تو مسٹر ٹرمپ کے مقابلے میں زیادہ تر امریکی عوام کی پسند وہ بنتے۔ مسٹر اوباما نے 2008 میں انتخابی مہم کے اپنے پیغام ہوپ اینڈ چینج (امید اور تبدیلی) کا ذکر کرتے ہوئے کہا مجھے پورا بھروسہ ہے کہ اگر مجھے تیسری بار انتخابات لڑنے کا موقع ملتا تو زیادہ تر امریکی عوام نے مجھ پر اعتماد ظاہر کیا ہوتا۔ تاہم مسٹر ٹرمپ نے مسٹر



اوباما کو ٹویٹر کے ذریعے جواب دیتے ہوئے کہا بالکل نہیں ۔مسٹر ٹرمپ نے کہا کہ روزگار کا مسئلہ ہو یا دہشت گرد تنظیم اسلامک اسٹیٹ کے خلاف جنگ اور مسٹر اوباما کا منصوبہ صحت قانون، ہر جگہ ان کو ناکامی ملی۔
امریکہ کے آئین کے مطابق دو بار صدر بننے والا امیدوار تیسری بار صدر کے عہدے کا الیکشن نہیں لڑ سکتا۔ اس سے پہلے ڈیموکریٹک پارٹی کی امیدوار ہیلری کلنٹن کے ترجمان برائن پھالن نے بھی ٹویٹ کیا کہ مسٹر اوباما انتخابات میں مسٹر ٹرمپ کو شکست دیتے، اگر انتخابات سے ٹھیک پہلے مسز کلنٹن کے خلاف ای میل معاملے میں ایف بی آئی کا بیان نہیں آتا تو وہ بھی مسٹر ٹرمپ کو شکست دیتی۔